Oʻzbekiston Respublikasi Vazirlar Mahkamasining “Yosh chegarachilar” harbiy-akademik litseyi faoliyatini tashkil etish boʻyicha qoʻshimcha chora-tadbirlar toʻgʻrisida»gi qaroriga muvofiq, Oʻzbekiston Respublikasi Davlat xavfsizlik xizmati Chegara qoʻshinlari tasarrufida Surxondaryo viloyatida “Yosh chegarachilar” harbiy-akademik litseyi tashkil etilmoqda.

«Mazkur litseyiga yuqori bilim darajali, intellektual salohiyat va professional mahoratga hamda kamida 3 yil uzluksiz pedagogik ish stajiga ega boʻlgan oʻqituvchilarni ishga taklif qilamiz.

“Yosh chegarachilar” harbiy-akademik litseyining oʻqituvchilari va boshqa xodimlariga “Temurbeklar maktabi”ning tegishli lavozimlari uchun belgilangan mehnatga haq toʻlash shart-sharoitlari tizimi tatbiq etiladi. “Yosh chegarachilar” litseyi ishchi va xizmatchilari sonidagi xodimlarining bazaviy tarif stavkalari:
oʻqituvchilar uchun - 5 barobar;
psixolog uchun - 3 barobar;
axborotlashtirish va aloqa boʻlinmalari xodimlari - 2 barobar oshirilgan miqdorda toʻlanadi.

“Yosh chegarachilar” harbiy-akademik litseyida ishlash uchun quyidagi fanlardan dars beruvchi oʻqituvchilar ishga taklif etiladi:

-ona tili va adabiyoti; -rus tili va adabiyoti; -tarix;
-ingliz tili;
-fizika;
-astronomiya;
-algebra;
-geometriya;
-kimyo;
-biologiya;
-geografiya;
-maʼnaviyat asoslari;
-davlat va huquq asoslari;
-jismoniy tarbiya;
-informatika va axborot texnologiyalari;
-chakiruvga qadar boshlangʻich tayyorgarlik.

“Yosh chegarachilar” harbiy-akademik litseyiga oʻqituvchilar tanlov asosida qabul qilinadi.
Nomzodlarga quyidagilar talab etiladi:
taʼlim sifatini nazorat qilish davlat inspeksiyasidan oʻz fanini oʻzlashtirish koʻrsatkichi boʻyicha sertifikat;
Xorijiy tilni bilish darajasini aniqlovchi sertifikat IELTS yoki DTM; taʼlim yoʻnalishi boʻyicha chop etilgan ilmiy maqolalar roʻyxati; ilmiy ishlari roʻyxati; ilmiy unvon.

“Yosh chegarachilar” harbiy-akademik litseyining manzili: Surxondaryo viloyati, Termiz shahri, Sharof Rashidov koʻchasi 35-uy.

Oʻzbekiston Respublikasi Davlat xavfsizlik xizmati “Yosh chegarachilar” harbiy-akademik litseyida ishlashni xohlovchi oʻqituvchilar 2021-yilning 25-yanvaridan 25-fevraliga qadar DXX Chegara qoʻshinlari 9785-sonli harbiy qismga (Surxondaryo viloyati Termiz tumani Yangiariq aholi punkti, moʻljal Mudofaa vazirligi dala-oʻquv maydoni oldida) yoki 76-229-95-52 telefoniga murojaat qilishlari mumkin», deyiladi xabarda.