Foto: Yunus Boʻriyev / “Xalq soʻzi”

Bugun, 9-aprel kuni poytaxtimizdagi Amir Temur xiyobonida buyuk davlat arbobi, yengilmas sarkarda, ilm-fan, madaniyat va sanʼat homiysi Sohibqiron Amir Temur tavalludining 690-yilligi munosabati bilan tantanali marosim boʻlib oʻtdi.

Unda Unda madaniyat va sanʼat sohasi vakillari, davlat tashkilotlari mutasaddilari, turli vazirlik va idoralar, jamoat vakillari, xorijlik mehmonlar hamda yoshlar ishtirok etdi.

Tadbir davomida ulugʻ sarkarda, markazlashgan davlat asoschisi, ilm-fan va bunyodkorlik homiysi sifatida tarixda oʻchmas iz qoldirgan Amir Temur haykali poyiga gulchambar qoʻyildi.

Tadbir davomida taʼkidlanganidek, Amir Temurning ulkan tarixiy merosi bugungi kunda ham Yangi Oʻzbekiston taraqqiyotida, yosh avlodni vatanparvarlik, fidoyilik va milliy gʻurur ruhida tarbiyalashda muhim manba boʻlib xizmat qiladi.

Sohibqiron Amir Temur tavalludining 690-yilligi munosabati bilan oʻtkazilayotgan tadbirlar xalqimizning boy tarixiy merosiga boʻlgan eʼtibor va ehtiromning yana bir yorqin ifodasidir.

Muhsin Umurzoqov,
Yunus Boʻriyev, “Xalq soʻzi”.