Yaponiyada yangi Bosh vazirni saylash 14-sentyabrga belgilandi
Xabaringiz bor, oʻtgan haftada Yaponiya Bosh vaziri Sindzo Abe sogʻligʻi yomonlashgani tufayli oʻz vazifasini muddatidan avval boshqa yetakchiga topshirishini maʼlum qilgandi.
Yaponiyadagi hukmron Liberal demokratik partiya yangi Bosh vazir 14-sentyabrda saylanishi haqida maʼlum qildi.
Liberal demokratik partiyaning bosh kengashi oʻzining yigʻilishida saylov kuni 14-sentyabr boʻlishini maʼqullagan. 16-sentyabrda esa Yaponiya hukumatining yangi rahbari parlamentda tasdiqlanishi kutilmoqda.
Shuningdek, Bosh vazirlikka nomzodlarni roʻyxatdan oʻtkazish 8-sentyabrga belgilandi.
Yaponiyada Bosh vazirni parlament saylaydi. Parlamentdagi eng koʻp oʻringa ega partiya yetakchisiga aylangan shaxs bir vaqtning oʻzida Bosh vazir lavozimini ham qoʻlga kiritadi.
Ayni paytda Abening davomchisi boʻlishga 4 nafar nomzod boʻlib, ularning ichida Yoshihide Suganing Yaponiya Bosh vaziri boʻlishining ehtimoli koʻproqligi aytilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring