Yaponiyada kuchli zilzila yuz berdi. Sunami xavfi eʼlon qilindi
Illyustrativ foto
Yaponiyaning Miyagi prefekturasida zilziladan keyin bir metr balandlikdagi sunami qayd etildi
Yaponiya shimoli-sharqida Tinch okeanida Fukusima prefekturasi yaqinida 7,3 magnitudali zilzila sodir boʻldi. Uning oʻchogʻi 60 kilometr chuqurlikda qayd etilgan. Bu haqda mamlakat bosh meteorologiya boshqarmasi xabar bermoqda. Yer silkinishidan soʻng sunami xavfi eʼlon qilingan.
Zilzila mahalliy vaqt bilan 23:36da sodir boʻlgan. Yer silkinishlari Yaponiyaning shimoli-sharqidagi va shimolidagi prefekturalarida ham sezilgan. Jumladan, poytaxt Tokioda kuchli toʻlqinli silkinishlar sezilgan. Qurbonlar va vayronagarchiliklar haqida maʼlumot yoʻq.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring