Foto: РИА Новости

Tvitter Xitoy hukumatining Gonkongning demokratiya tarafdori harakatiga qarshi qaratilgan va Qoʻshma Shtatlarning obroʻsini toʻkishga qaratilgan dezinformatsiya kampaniyasi bilan bogʻliq 170 mingdan ortiq akkauntlarni oʻchirib tashladi.

YouTube, Google va Facebook kabi Twitter ham Xitoyda taqiqlab, yangiliklar va maʼlumotlarga kirishni cheklash siyosatini olib boradi.

Tadqiqotchilar va baʼzi Gʻarb hukumatlari Xitoy hukumat xabarlarini tarqatish yoki notoʻgʻri maʼlumot tarqatish uchun haqiqiy foydalanuvchilar sifatida niqoblangan, davlat tomonidan boshqariladigan yoki davlat bilan bogʻliq akkauntlar tarmogʻidan foydalanayotganidan xavotirda.

«Ular asosan xitoy tilida tvit yozadi va Xitoy Kommunistik partiyasi uchun maqbul boʻlgan geosiyosiy rivoyatlarni tarqatadi, shu bilan birga Gonkongdagi siyosiy dinamika haqidagi yolgʻon rivoyatlarni tarqatishda davom etishdi», deb yozdi Tvitter oʻz tahlilida.

Oʻtgan yil avgust oyida Facebook, YouTube va Twitter minglab akkauntlarni oʻchirdi. Ular Xitoy tomonidan qoʻllab-quvvatlanadigan kampaniyaning bir qismi boʻlib, asosan Gonkongdagi norozilik namoyishlari haqida notoʻgʻri maʼlumot tarqatishga qaratilgan.

Juma kuni eʼlon qilingan xabarda, Tvitter shuningdek, Turkiya prezidenti Rajab Toyyib Erdoʻgʻanni qoʻllab-quvvatlovchi 7000 ga yaqin akkauntni va Rossiyada hukmron partiyani targʻib qiladigan 1100 ga yaqin tarmoqni oʻchirib tashlagan.