Turkmanistonda qora tibbiy niqob taqish taqiqlandi
Turkmaniston hukumati qora tibbiy niqob kiyishni butunlay taqiqladi, qoidabuzarlar jarimaga tortiladi yoki politsiyaga olib ketiladi. Bu haqda Turkmen.news xabar berdi.
Ilgari maxsus niqob kiyish faqat haydovchilar uchun qoʻllanilgan. Endi politsiya qora niqobdagi piyodalarni toʻxtatadi va jarimaga tortiladi. Jarimani joyida toʻlashdan bosh tortgan fuqarolar eng yaqin politsiya boʻlimiga olib ketiladi.
Maktablarda ham qora niqoblar taqiqlangan. Taqiqni buzgan bolalar niqob kiygan holda suratga olinadi, ota-onalar ham jarima toʻlashlari shart.
Qayd etilishicha, Ashxoboddagi qora niqoblarga jarima solish 2021-yil dekabr oyidan hisobga olindi.
Eslatib oʻtamiz, avvalroq tibbiyot niqoblari va qoʻlqoplari narxlari oshgani maʼlum qilingandi hamda “Omikron”ning qayta yuqish xavfi “delta”ga nisbatan 16 barobar yuqori ekanligi aytilgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring