Turkiyada mushaklar ishlab chiqaruvchi fabrikadagi portlash sabab 100 ga yaqin kishi jarohatlandi
Turkiyaning shimoli-gʻarbiy qismida joylashgan Sakarya viloyatidagi mushaklar ishlab chiqaruvchi fabrikada bir qator portlashlar sodir boʻldi. Bu haqda Al-Arabiya nashri xabar bermoqda.
Mamlakat sogʻliqni saqlash vaziri Faxriddin Kojaning soʻzlariga koʻra, hodisa natijasida 4 kishi halok boʻlgan, 100 ga yaqn kishi jarohatlangan.
Qayd etilishicha, oʻt oʻchiruvchilar mahalliy vaqt bilan soat 11:15da sodir boʻlgan birinchi portlashdan soʻng voqea joyiga yuborilgan.
Shuningdek, 85 ta “Tez yordam” mashinasi hamda ikkita vertolyot ham jalb etilgan.
Turkiya prezidenti Rajab Toyyip Erdoʻgʻan sogʻliqni saqlash vaziriga portlashlar sodir boʻlgan joyga shaxsan oʻzi borishi kerakligini taʼkidlagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring