Toshkentdagi koʻchalardan biri 1 sutkaga yopiladi
Illyustrativ foto
Toshkent shahrining Mirzo Ulugʻbek tumanidagi koʻchalardan biri 1 sutkaga yopiladi. Bu haqda poytaxt hokimligi matbuot xizmati xabar berdi.
Maʼlum qilinishicha, Mirzo Ulugʻbek tumani Neʼmat koʻchasida drenaj tizimini takomillashtirish ishlari doirasida drenaj quvurlarini almashtirish ishlari olib boriladi. Shu sababli, koʻchaning 1-sonli qozonxonadan Shahriobod koʻchasigacha boʻlgan qismi joriy yilning 7-avgust kuni soat 07:00 dan 8-avgust kuni 07:00 ga qadar avtotransport harakati uchun yopiladi.
Hokimlik yetkazilgan noqulayliklar uchun uzr soʻragan holda haydovchilarga aylanma yoʻllardan foydalanishni tavsiya qilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring