Тошкентдаги кўчалардан бири 1 суткага ёпилади
Иллюстратив фото
Тошкент шаҳрининг Мирзо Улуғбек туманидаги кўчалардан бири 1 суткага ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, Мирзо Улуғбек тумани Неъмат кўчасида дренаж тизимини такомиллаштириш ишлари доирасида дренаж қувурларини алмаштириш ишлари олиб борилади. Шу сабабли, кўчанинг 1-сонли қозонхонадан Шаҳриобод кўчасигача бўлган қисми жорий йилнинг 7 август куни соат 07:00 дан 8 август куни 07:00 га қадар автотранспорт ҳаракати учун ёпилади.
Ҳокимлик етказилган ноқулайликлар учун узр сўраган ҳолда ҳайдовчиларга айланма йўллардан фойдаланишни тавсия қилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг