Toshkentda firibgar namanganlik tanishining behayo suratlarni tarqatish bilan tahdid qilib pul undirmoqchi boʻldi
Toshkentda tanishidan behayo suratlarni tarqatmaslik uchun pul undirayotgan shaxs qoʻlga olindi. Bu haqda IIV huzuridagi Tergov departamenti matbuot xizmati xabar berdi.
Maʼlumotlarga koʻra, joriy yilning 14-dekabr kuni Yakkasaroy tumani IIBga Namangan viloyatida tugʻilgan fuqaro ariza bilan murojaat qilgan. Qayd etilishicha, 11-dekabr kuni uning tanishi surat va videolarni tarqatmaslik uchun 5 million soʻm talab qilgan.
14-dekabr kuni Yakkasaroy tumanida huquq-tartibot idoralari xodimlari tomonidan tezkor tadbir oʻtkazilib, firibgar 100 AQSH dollari va 500 ming soʻm olayotgan vaqtda qoʻlga olindi.
Erkakka nisbatan 165-modda 1-qismi (Tovlamachilik) bilan jinoyat ishi qoʻzgʻatilgan. Gumonlanuvchi protsessual tartibda ushlangan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring