Toshkentda 4 ta avtomobil ishtirokida YTH sodir boʻldi
Toshkent shahrining Chilonzor tumanida 4 ta avtomashina ishtirokida YTH sodir boʻldi. Bu haqda poytaxt IIBB YHXB axborot xizmati xabar berdi.
Maʼlum qilinishicha, bugun, 11-iyun kuni soat 16:10 larda Chilonzor tumani Bunyodkor shohkoʻchasida haydovchilar — 1995-yilda tugʻilgan B.D. boshqaruvida boʻlgan “Nexia-3” rusumli avtomashina, 1995-yilda tugʻilgan B.S. boshqaruvida boʻlgan “Lacetti” rusumli avtomashina, 1960-yilda tugʻilgan Y.K. boshqaruvida boʻlgan “King Long” rusumli avtomashina, 2003-yilda tugʻilgan M.O. boshqaruvida boʻlgan “Spark” rusumli avtomashinalar ishtirokida YTH sodir boʻlgan.
Shahar YHXBga koʻra, hodisa oqibatida tan jarohati olganlar yoʻq. Hoʻzirda holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring