Toshkent viloyatida oʻsmir vagon ustida selfi tushmoqchi boʻlib, tok urishi natijasida jarohatlandi
Chirchiq shahrida (Toshkent viloyati) 17 yoshli oʻsmir poyezd vagonining tomida tok urishi natijasida jarohatlandi, deb xabar berilmoqda “Millar” koʻrsatuvida.
Hodisa 1-aprel kuni yuz bergan. Oʻsmir doʻstlari bilan birga selfiga tushish maqsadida “Boʻzsuv” temir yoʻl stansiyasida turgan vagonlardan birining ustiga chiqqan. Oqibatda uni tok urgan va u yerga yiqilgan.
Tibbiy tekshiruvlar bemor tanasining taxminan 80–85 foizi kuyganini koʻrsatdi. Jabrlanuvchi reanimatsiya boʻlimiga yotqizilgan.
Hozirda bemorning ahvoli oʻta ogʻir, intensiv davolash muolajalari olib borilmoqda. U doimiy nazorat ostida qolmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring