Тошкент вилоятида ўсмир вагон устида селфи тушмоқчи бўлиб, ток уриши натижасида жароҳатланди
Чирчиқ шаҳрида (Тошкент вилояти) 17 ёшли ўсмир поезд вагонининг томида ток уриши натижасида жароҳатланди, деб хабар берилмоқда «Миллар» кўрсатувида.
Ҳодиса 1 апрель куни юз берган. Ўсмир дўстлари билан бирга селфига тушиш мақсадида «Бўзсув» темир йўл станциясида турган вагонлардан бирининг устига чиққан. Оқибатда уни ток урган ва у ерга йиқилган.
Тиббий текширувлар бемор танасининг тахминан 80–85 фоизи куйганини кўрсатди. Жабрланувчи реанимация бўлимига ётқизилган.
Ҳозирда беморнинг аҳволи ўта оғир, интенсив даволаш муолажалари олиб борилмоқда. У доимий назорат остида қолмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг