Toshkent davlat yuridik universiteti talabalari Senat faoliyati bilan tanishdilar
Joriy yilning 10-mart kuni Toshkent davlat yuridik universiteti talabalari Sud-huquq va korrupsiyaga qarshi kurashish qoʻmitasi va Yoshlar parlamenti aʼzolari bilan uchrashdi.
Uchrashuv davomida talabalar Senat huzuridagi Yoshlar parlamenti hamda Senat aʼzolari, jumladan Sud-huquq masalalari va korrupsiyaga qarshi kurashish qoʻmitasi aʼzolari bilan muloqot qildi. Suhbat davomida mamlakatimizda amalga oshirilayotgan sud-huquq islohotlari, korrupsiyaga qarshi kurashish sohasidagi chora-tadbirlar, shuningdek, yoshlar uchun yaratilayotgan imkoniyatlar haqida batafsil maʼlumotlar berildi.
Talabalar oʻzlarini qiziqtirgan savollari bilan murojaat qilib, davlat boshqaruvi va parlament faoliyatiga oid masalalar yuzasidan fikr-mulohazalarini bildirdi.
Tadbir davomida talabalar Senat faoliyati, uning qonunchilik jarayonidagi oʻrni hamda parlament tizimida amalga oshirilayotgan islohotlar bilan yaqindan tanishdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring