Tibbiyot niqoblari Tibbiy buyumlar roʻyxatidan chiqarildi
Arxiv surat
Oʻzbekiston Respublikasi Adliya vazirligida Oʻzbekiston Respublikasi sogʻliqni saqlash vazirining 2020-yil 20-martdagi 114-son “Tibbiy buyumlar roʻyxatiga oʻzgartirish kiritish toʻgʻrisida”gi buyrugʻi davlat roʻyxatidan oʻtkazildi.
Mamlakatimizda 2019-nCoV koronavirusining yangi turi tarqalishini oldini olish, respublika hududida qulay sanitariya-epidemiologik muhitni taʼminlash, aholining salomatligini muhofaza qilish uchun shaxsiy himoya vositalari bilan taʼminlash va tibbiyot niqobi taqchilligini oldini olish hamda mahalliy ishlab chiqaruvchilarga keng imkoniyat yaratish, shuningdek tibbiy niqobni ishlab chiqarish, tayyorlash hamda uni realizatsiya qilish uchun litsenziya talab qilinishini inobatga olgan holda tibbiyot niqoblari Tibbiy buyumlar roʻyxatidan chiqarildi.
Endilikda, tibbiy niqobni ishlab chiqarish, tayyorlash hamda uni realizatsiya qilish uchun litsenziya talab etilmaydi.
Shuningdek, tibbiy niqob amaliyotda koʻllash uchun davlat roʻyxatidan oʻtkazilmaydi.
Adliya vazirligi Jamoatchilik bilan aloqalar boʻlimi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring