Arxiv foto

NATO Ukrainadagi mojaroni hal qilish boʻyicha muzokaralar tez orada boshlanishi kerakligini tan olgan. Bu haqda “Bloomberg” oʻz manbalarga tayanib xabar bermoqda.

Avvalroq, “Wall Street Journal” nashri Ukraina rasmiylari Rossiya bilan muzokaralar olib borish va kelishuvga erishishga tayyorligini eʼlon qilmoqchi ekanligini yozgan edi.

“Munozaralar Ukrainadagi vaziyat beqaror ekani va yaqin kelajakda muzokaralar boshlanishi kerakligini tan olish fonida ketmoqda”, — deyiladi nashr xabarida.

Shu yilning iyun oyida Rossiya prezidenti Vladimir Putin Ukrainadagi mojaroni tinch yoʻl bilan hal qilish tashabbuslari bilan chiqdi. Unga koʻra, Ukraina qoʻshinlari Rossiyaning yangi hududlari hududidan olib chiqilgach, Moskva zudlik bilan oʻt ochishni toʻxtatadi va muzokaralarga tayyorligini eʼlon qiladi. Bundan tashqari, Rossiya rahbarining qoʻshimcha qilishicha, Kiyev NATOga qoʻshilish niyatidan voz kechishini eʼlon qilishi, demilitarizatsiya va denasifikatsiyani amalga oshirishi, shuningdek, neytral, qoʻshilmaslik va yadrosiz maqomni qabul qilishi kerak. Putin shu doirada Rossiya Federatsiyasiga qarshi sanksiyalarning bekor qilinishini ham tilga oldi.

Ukraina Qurolli kuchlarining Kursk viloyatiga qilgan hujumidan soʻng Putin “tinch aholiga, fuqarolik infratuzilmasiga begʻaraz zarba berganlar yoki atom energetika obyektlariga tahdid yaratishga urinayotganlar” bilan muzokara olib borishning iloji yoʻqligini aytdi.