Архив фото

НАТО Украинадаги можарони ҳал қилиш бўйича музокаралар тез орада бошланиши кераклигини тан олган. Бу ҳақда «Bloomberg» ўз манбаларга таяниб хабар бермоқда.

Аввалроқ, «Wall Street Journal» нашри Украина расмийлари Россия билан музокаралар олиб бориш ва келишувга эришишга тайёрлигини эълон қилмоқчи эканлигини ёзган эди.

«Мунозаралар Украинадаги вазият беқарор экани ва яқин келажакда музокаралар бошланиши кераклигини тан олиш фонида кетмоқда», — дейилади нашр хабарида.

Шу йилнинг июнь ойида Россия президенти Владимир Путин Украинадаги можарони тинч йўл билан ҳал қилиш ташаббуслари билан чиқди. Унга кўра, Украина қўшинлари Россиянинг янги ҳудудлари ҳудудидан олиб чиқилгач, Москва зудлик билан ўт очишни тўхтатади ва музокараларга тайёрлигини эълон қилади. Бундан ташқари, Россия раҳбарининг қўшимча қилишича, Киев НАТОга қўшилиш ниятидан воз кечишини эълон қилиши, демилитаризация ва денасификацияни амалга ошириши, шунингдек, нейтрал, қўшилмаслик ва ядросиз мақомни қабул қилиши керак. Путин шу доирада Россия Федерациясига қарши санкцияларнинг бекор қилинишини ҳам тилга олди.

Украина Қуролли кучларининг Курск вилоятига қилган ҳужумидан сўнг Путин «тинч аҳолига, фуқаролик инфратузилмасига беғараз зарба берганлар ёки атом энергетика объектларига таҳдид яратишга уринаётганлар» билан музокара олиб боришнинг иложи йўқлигини айтди.