Surxondaryoda ruxsatnomasiz ov qurolidan foydalanib, kabutar ovlagan shaxslar ushlandi
Surxondaryoda noqonuniy ovchilik holati aniqlandi. Bu haqida viloyat Ekologiya boshqarmasi maʼlumot berdi.
Unda aytilishicha, Surxondaryo viloyati Ekologiya va iqlim oʻzgarishi bosh boshqarmasi hamda Oʻzbekiston Respublikasi Milliy gvardiyasi Surxondaryo viloyati boshqarmasi hamkorligida tezkor reyd tadbirlari oʻtkazilgan.
Aniqlanishicha, Jarqoʻrgʻon tumani “Oqtepa” mahallasi hududida Qumqoʻrgʻon tumanida yashovchi fuqarolar X.M. va A.A. ruxsatnomasiz ov qurolidan foydalanib, oʻzboshimchalik bilan har biri 5 tadan kabutar ovlagani maʼlum boʻlgan.
Hozirda mazkur holat yuzasidan fuqarolarning har biriga Oʻzbekiston Respublikasi Maʼmuriy javobgarlik toʻgʻrisidagi kodeksining 90-moddasi 1-qismi asosida BHMning 25 barobari — 8 mln 240 ming soʻm miqdorida maʼmuriy jarima qoʻllanilgan. Ushbu noqonuniy ovchilik oqibatida 2 mln 60 ming soʻm miqdorida zarar belgilangan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring