Surxondaryo hokimi barcha oʻrinbosarlariga ogohlantirish, bir nechta mutasaddi rahbarlarni esa intizomiy jazoga tortdi
Viloyat hokimi matbuot xizmati xabariga koʻra, hududlarda oʻtkazilgan oʻrganishlarda aniq muddat bilan vazifalar bajarilishi belgilangan boʻlishiga qaramay topshiriqlar bajarilmagan. Xususan, viloyat hokimining oʻrinbosarlari tomonidan 18 ta, jumladan, qurilish majmuasi tomonidan 9 ta topshiriq ijrosi taʼminlanmagan.
Ijro intizomini oʻz holiga tashlab qoʻygan viloyat hokimining oʻrinbosarlari ogohlantirildi. Qishloq xoʻjaligi kotibiyat mudiri, “Surxondaryo HETK” AJ va uning Denov, Muzrabot, Angor, Qiziriq, Jarqoʻrgʻon, Sherobod va Shoʻrchi tuman boʻlimlari, “Surxondaryoavtoyoʻl”, “Surxondaryo suv taʼminoti”, “Suv taʼminoti va oqova suv tarmoqlari qurilishi boʻyicha” boshqarmasi, “Yagona buyurtmachi xizmati”, “Hududgaztaʼminot”, “Oʻzneftgazinpeksiya” va “Oʻzenergonazorat” boʻlimlari rahbarlariga, bir nechta tuman hokimi oʻrinbosarlariga intizomiy jazo qoʻllash topshirigʻi berildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring