Shayhontohur tumanida joylashgan savdo majmuasida yongʻin sodir boʻldi
28-oktyabr kuni soat 06:58 da Toshkent shahar Shayhontohur tumani “Boʻston” MFY, Beruniy koʻchasida joylashgan “Ecobozor” majmuasida yongʻin sodir boʻlayotganligi toʻgʻrisida shahar FVBga xabar tushgan.
Shunga koʻra 5 ta yongʻin-qutqaruv ekipaji soat 07:04 da voqea joyiga yetib borib, yongʻin soat 07:19 oʻrab olingan va soat 07:26 da oʻchirilgan.
Yongʻin natijasida savdo majmuasining 80 kv.m tashqi devor qoplamasi qismi va shu joydagi kafening 70 kv.m maydonida ichki va tom qismi yonib zararlangan. Qutqaruvchilarning tezkor harakatlari natijasida savdo majmuasining 7000 kv.m maydoni yongʻindan saqlab qolingan.
Hodisa oqibatida tan jarohati olgan va halok boʻlganlar yoʻq.
Yongʻin sababi va moddiy zarar miqdori aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring