Oliy Majlis Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi oʻrinbosari Odiljon Mamatkarimov Namangan viloyatiga xizmat safari davomida bir guruh iqtidorli yoshlar bilan uchrashuv oʻtkazdi.

Uchrashuv davomida yoshlarning ilmiy izlanishlari, innovatsion gʻoyalari hamda kelajak rejalari muhokama qilindi. Shuningdek, yoshlarni har tomonlama qoʻllab-quvvatlash, ularning tashabbuslarini roʻyobga chiqarish masalalariga alohida eʼtibor qaratildi.

Muloqot jarayonida davlatimiz rahbari tomonidan joriy yil 24-fevral kuni yoshlar bilan oʻtkazilgan uchrashuvda ilgari surilgan muhim tashabbus va takliflarning mazmun-mohiyati keng muhokama qilindi. Ushbu tashabbuslarni amaliyotga samarali joriy etish, yoshlar uchun yaratilayotgan imkoniyatlardan oqilona foydalanish yuzasidan fikr almashildi.

Uchrashuv yakunida yoshlar tomonidan bildirilgan taklif va tashabbuslar tinglanib, ularni qoʻllab-quvvatlash hamda amaliyotga tatbiq etish boʻyicha zarur chora-tadbirlar belgilab olindi.