Samarqanddagi MCHJda 552 million soʻmlik gaz oʻgʻirlandi
Samarqand shahrida tabiiy gazdan noqonuniy foydalanish holati fosh etildi. Bu haqida “Hududgaztaʼminot” AJ xabar berdi.
Unda aytilishicha, “Hududgaz Samarqand” GTF komplayens nazorat tuzilmalari, gaz taʼminoti boʻlimi va huquq-tartibot organlari bilan hamkorlikda Samarqand shahrida tezkor tadbir oʻtkazilgan.
Maʼlum boʻlishicha, shaharning Tepaqul koʻchasida joylashgan «Y« MCHJga qarashli binoda xatlov oʻtkazilganda, bino egasi loyiha-texnik hujjatlarisiz tabiiy gazdan noqonuniy foydalanib kelayotgani fosh etilgan.
Hozirda holat yuzasidan dalolatnoma tuzilib, 552 million 384 ming soʻmlik tabiiy gaz hajmlari qayta hisob-kitob qilingan. Mazkur qonunbuzilish holati boʻyicha barcha hujjatlar huquqni muhofaza qiluvchi organlarga yuborilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring