Samarqanddagi yemakxonalardan biri yonib ketdi
Videodan kadr
Samarqand shahrida joylashgan oshxonada yongʻin sodir boʻldi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, bugun, 10-mart kuni soat 09:33 da shaharning “Birdamlik” MFY Gulobod koʻchasida joylashgan “X.F.” oilaviy korxonasiga qarashli oshxonada yongʻin sodir boʻlayotgani toʻgʻrisida viloyat FVBga xabar berilgan.
Shunga koʻra, 3 ta yongʻin-qutqaruv ekipajlari voqea joyiga soat 09:36 da yetib borib, 10:10 da alangani toʻliq bartaraf etgan. Hodisa oqibatida oshxonaning shift qismi va ichki jihozlari yonib zararlangan.
Yongʻin tufayli jabrlangan va halok boʻlganlar yoʻq. Hozirda holat yuzasidan tergovga qadar tekshirish ishlari olib borilib, yongʻinning kelib chiqish sababi aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring