Samarqandda qidiruvdagi jinoyatchi yoʻlovchilar orasidan topildi
Samarqand viloyatida bir necha jinoyatlarda ayblanayotgan, qidiruvda boʻlgan jinoyatchi yoʻlovchilar orasidan topildi. Bu haqda "Postda" xabar berdi.
Samarqand viloyati Bulungʻur tumani hududidan oʻtuvchi avtomobil yoʻlida “Samarqand-Toshkent” yoʻnalishi boʻyicha harakatlanib kelayotgan, “Yutong” rusumli avtomashina YHXB xodimlari tomonidan toʻxtatilib, tekshirilgan.
Tekshiruv davomida mashinada oʻgʻrilik, bosqinchilik kabi bir nechta jinoyatlarni sodir etib, qochib yurgan shaxs — Kattaqoʻrgʻon shahar Mashrab koʻchasida yashovchi fuqaro X.F. borligi aniqlangan va qoʻlga olingan.
Holat yuzasidan surishtiruv ishlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring