Samarqandda yer choʻkib, quruvchini tuproq bosib qoldi
Foto: FVV
Samarqand shahridagi yangi yoʻl oʻtkazgich yaqinida yer choʻkishi oqibatida quruvchilardan birini tuproq bosib qoldi. Bu haqda Favqulodda vaziyatlar vazirligi xabar berdi.
Maʼlum qilinishicha, kecha, 8-aprel kuni soat taxminan 18:00 larda Samarqand viloyati FVB navbatchilik qismiga Samarqand shahridagi “Oltin asr” mahallasida joylashgan qurilish obyektlarining birida fuqaro tuproq ostida qolib ketgani toʻgʻrisida xabar kelib tushgan.
Qisqa vaqt ichida voqea joyiga FVVning hududiy boshqarmasi qutqaruvchilari yetib borib, qutqaruv ishlarini boshlagan. Maxsus asbob-anjomlar yordamida quruvchi tezkorlik bilan tuproq ostidan chiqarib olingan va unga birinchi tibbiy yordam koʻrsatilgan.
Jabrlanuvchi shifoxonaga olib borilgan. Qayd etilishicha, uning hayoti va sogʻligʻiga hech qanday xavf yoʻq. Shifokorlar maʼlumotiga koʻra, u yaqin kunlarda tibbiyot muassasasidan chiqarilishi kutilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring