Joriy yilning 7-aprel kuni Prezidentning “Qurolli Kuchlar tizimida respublika kitobxonlik tanlovini tashkil etish chora-tadbirlari toʻgʻrisida”gi PQ–128-son qarori qabul qilindi.

Qarorga koʻra, 2026-yildan boshlab har yili quyidagilar oʻrtasida alohida-alohida “Maʼnaviyat qalqoni” respublika kitobxonlik tanlovi 4 bosqichda oʻtkaziladi:

• muddatli harbiy xizmatchilar;

• kontrakt boʻyicha harbiy xizmatchilar;

• oliy harbiy va oliy harbiylashtirilgan taʼlim muassasalari kursantlari (kursantlar);

• harbiy-akademik litseylar oʻquvchilari (oʻquvchilar).

Kitobxonlik tanlovining respublika bosqichida vazirlik va idoralarning muddatli harbiy xizmatchilari, kontrakt boʻyicha harbiy xizmatchilari, kursantlari hamda oʻquvchilari orasidan:

1-oʻrinni egallagan 4 nafar gʻolibning har biri Oliy Bosh qoʻmondonning bosh sovrini – elektromobil hamda diplom bilan taqdirlanadi;

2-oʻrinni egallagan 4 nafar sovrindorning har biri BHMning 100 barobari miqdorida biryoʻla toʻlanadigan pul mukofoti hamda diplom bilan taqdirlanadi;

3-oʻrinni egallagan jami 4 nafar sovrindorning har biri BHMning 70 barobari miqdorida biryoʻla toʻlanadigan pul mukofoti hamda diplom bilan taqdirlanadi.

Kitobxonlik tanlovining respublika bosqichida 1-, 2- va 3-oʻrinlarni egallagan muddatli harbiy xizmatchilarning xizmat muddati ragʻbatlantirish tariqasida 1 oyga qisqartiriladi.