Qoʻlbola usulda tayyorlangan alkogol mahsulotlarining muomalaga kiritilishining oldi olindi
Foto: Prokuratura Departamenti
Bosh prokuratura huzuridagi Departamentning Kegeyli tuman boʻlimi tomonidan IIB xodimlari bilan hamkorlikda oʻtkazilgan tezkor tadbirda fuqarolar A.U., D.Y. va B.D. isteʼmolchilarning hayoti va sogʻligʻi xavfsizligi talablariga javob bermaydigan qoʻlbola usulda tayyorlangan 546 dona “QARATAW” nomli qalbaki aksiz markali alkogol mahsulotini 11 mln soʻmga sotgan vaqtlarida ushlanib, B.D.ning xonadonidan yana 299 dona qoʻlbola usulda tayyorlangan alkogol mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) va 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qoʻzgʻatilib, tergov harakatlari oʻtkazilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring