Qatar transport vaziri oʻrinbosari bilan uchrashuv boʻlib oʻtdi
Joriy yilning 23 oktyabr kuni Transport vaziri Ilxom Maxkamov hamda Qatar Davlati Transport vaziri oʻrinbosari Hamad Iso Abdullo oʻrtasida uchrashuv boʻlib oʻtdi.
Uchrashuvda ikki mamlakat oʻrtasida transport sohasidagi hamkorlik aloqalarini yanada rivojlantirish bilan bogʻliq jihatlar muhokama etildi. Xususan, transafgʻon temir yoʻli qurilishi loyihasini amalga oshirishda Qatar Davlati ishtirokini taʼminlash yuzasidan fikr almashildi. Uchrashuv davomida mazkur loyiha yuzasidan “Oʻzbekiston Temir yoʻllari” AJ vakillari ishtirokida taqdimot oʻtkazildi.
Shuningdek, fuqaro aviatsiyasi sohasidagi ikki tomonlama hamkorlikni yanada mustahkamlash maqsadida “Qatar airways” aviakompaniyasi tomonidan Doxa – Toshkent – Doxa yoʻnalishida aviaqatnovlarni yoʻlga qoʻyish masalasi koʻrib chiqildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring