Qashqadaryoda 37 yoshli erkak qoʻshnisining yashamaydigan xonadonida oʻzini osib qoʻydi
Foto: Illustrativ foto
Ijtimoiy tarmoqlarda Gʻuzorda 37 yoshli erkak oʻzini osib qoʻyganligi haqida xabar tarqalgan.
Aniqlanishicha, 13-aprel kuni Gʻuzor tumani, Sovbogʻ qishlogʻida yashagan 1985-yilda tugʻilgan erkak (oilali, 3 nafar farzandi bor, mahalla fuqarolar yigʻinida yoshlar yetakchisi boʻlib ishlagan) qoʻshnisining yashamaydigan xonadonida oʻzini-oʻzi osib vafot etgan.
Tekshirish davomida marhum oxirgi vaqtlarda koʻp spirtli ichimlik isteʼmol qilishi oqibatida ruhiyatida oʻzgarish boʻlganligi aniqlangan.
Marhumning oʻlim sababiga aniqlik kiritish maqsadida sud-tibbiy ekspertizasi tayinlangan.
Holat boʻyicha Gʻoʻzor tumani prokuraturasi tomonidan tergovga qadar tekshiruv harakati olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring