Pompeo Xitoyga qarshi koalitsiya tuzmoqchi
AQSH davlat kotibi Mayk Pompeo Londonga boʻlgan tashrifi chogʻida Xitoy Kommunistik Partiyasi haqida tanqidiy fikrlar bildirdi va mamlakat rahbariyatining koronavirus pandemiyasiga munosabatini “kechirib boʻlmas xato” deb atadi. Shu bilan birga u Xitoyning Gonkong borasidagi siyosatini ham qoraladi.
Buyuk Britaniya bosh vaziri Boris Jonson bilan suhbatda Pompeo Gʻarb va Xitoy oʻrtasidagi ziddiyatlar haqida suhbatlashdi. Oʻz nutqida Pompeo erkinlik va demokratiyani anglaydigan har bir davlatni Xitoy xatariga qarshi turishga chaqirdi.
"Umid qilamanki, Xitoy xatariga qarshi tura oladigan koalitsiya tuza olamiz,ʼʼ dedi Pompeo.
Bir necha kun avval Xitoyning Buyuk Britaniyadagi elchisi Qirollikni ikki tomonlama munosabatlarni buzmaslikka chaqirgan. Agarda munosabatlar buzilsa, Buyuk Britaniya bunga javob berishga tayyor turishi kerakligini aytgan edi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring