“Poyjoʻy” suv inshooti foydalanishga topshirildi
Foto: Oʻzbekiston Respublikasi Uy-joy kommunal xizmat koʻrsatish vazirligi
Romitan tumanida “Obod qishloq” davlat dasturi asosida barpo etilgan “Poyjoʻy” suv inshooti hududida 2 ta 500 metr kub hajmdagi suv rezervuari, 1 ta nasos stansiyasi qurilib, 7 ta suv nasos uskunasi va 2 ta transformator oʻrnatildi.
Mazkur suv inshooti Qoqishtuvon, Obidxoʻja, Shavgon, Qushchi, Shodmin, Nalbandon qishloqlarining 8 ming nafardan ziyod aholisini toza ichimlik suvi bilan taʼminlaydi.
Yil yakuniga qadar inshoot orqali 20 ming nafarga yaqin aholini hamda Peshku va Romitan tumanlaridagi 2 ta agromintaqani uzluksiz toza ichimlik suvi bilan taʼminlash koʻzda tutilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring