Oʻzbekistonlik sportchilar jahon kubogida 72 ta medalni qoʻlga kiritdi
Kikboksing boʻyicha Oʻzbekiston terma jamoasi Tailand poytaxtida boʻlib oʻtgan kikboksing boʻyicha jahon kubogida muvaffaqiyatli ishtirok etdi. Bu haqida “Dunyo” axborot agentligi xabar berdi.
Unda aytilishicha, Jahon kikboksing tashkilotlari assotsiatsiya (WAKO) tomonidan oʻtkazilgan musobaqada dunyoning 34 davlatidan mingdan ortiq sportchi qatnashgan.
Mazkur jahon kubogida hamyurtlarimiz munosib tarzda qatnashib, turnir davomida vakillarimiz jami 72 ta – 36 ta oltin, 22 ta kumush va 14 ta bronza medalini qoʻlga kiritgan.
Musobaqa yakuniga koʻra, sportchilarimiz umumjamoa hisobida faxrli uchinchi oʻrinni egallagan. Birinchi oʻrin Tailand, ikkinchi oʻrin Vyetnam, toʻrtinchi oʻrin esa Qozogʻiston terma jamoalariga nasib etgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring