Oʻzbekistonga import qilinadigan ayrim turdagi transportlar majburiy sertifikatlashdan ozod qilinadi
«Avtomobil transportida yuk tashuvchilarni qoʻllab-quvvatlashga doir qoʻshimcha chora-tadbirlar toʻgʻrisida»gi Prezident qarori qabul qilindi.
Qarorga koʻra, yuk tashish uchun moʻljallangan, ishlab chiqarilganiga 7 yildan oshmagan quyidagi transportlarni 2025-yil 1-yanvargacha Oʻzbekistonga import qilishda bojxona boji, utilizatsiya yigʻimi va avtotransportlarni sotib olganlik uchun avtotransport yigʻimlarining nol stavkalari qoʻllaniladi:
“Yevro-5” va undan yuqori ekologik toifa talablariga mos keladigan avtotransportlar (TIF TN kodlari 8701 20, 8704 22 (samosvallardan tashqari);
tirkamalar va yarim tirkamalar (TIF TN kodlari 8716 31, 8716 39).
Yevropa Ittifoqi mamlakatlarida ishlab chiqarilgan, ishlab chiqarilganiga 7 yildan oshmagan quyidagi transportlar 2025-yil 1-yanvargacha Oʻzbekistonga import qilishda majburiy sertifikatlashdan ozod qilinadi:
➖ “Yevro-5” va undan yuqori ekologik toifa talablariga mos keladigan yuk va maxsus avtotransportlar;
➖ avtomobilda yuk tashish uchun foydalaniladigan tirkamalar va yarim tirkamalar.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring