Oʻzbekistonda hafta yomgʻirli oʻtishi kutilmoqda
Foto: Muhsin Umurzoqov / “Xalq soʻzi”
Oʻzbekistonda ish haftasi davomida yomgʻirli ob-havo saqlanib turadi. Bu haqda “Oʻzgidromet” agentligi xabar berdi.
Qayd etilishicha, respublika hududi boʻyicha baʼzi joylarda yomgʻir yogʻishi saqlanib turadi, faqat 26—28-mart kunlari Qoraqalpogʻiston Respublikasi, Xorazm, Buxoro, Navoiy viloyatlarida yomgʻir yogʻishi ehtimoli kam.
Bu kunlarda harorat asta-sekin pasayadi va kechalari 4-6 daraja iliqni, kunduz kunlari 8-13 daraja iliqni tashkil etadi.
Respublikaning togʻoldi va togʻli hududlarida yogʻingarchilik (yomgʻir yogʻadi, qorga aylanishi mumkin), 24—25-mart kunlari baʼzi joylarda kuchli boʻladi. Sel-suv toshqin hodisalari yuzaga kelishi mumkin. 24—25-mart kunlari mazkur hududlarda qor koʻchishi xavfi bor.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring