Oʻzbekistonda 2026-yilning uch oyida 346 ta YTH oʻlim bilan tugagan
Illyustrativ foto
Oʻzbekistonda 2026-yilning yanvar-mart oylarida 1 102 ta yoʻl-transport hodisasi sodir boʻldi. Bu haqda joriy yilning 11-aprel kuni oʻtkazilgan matbuot anjumanida Ichki ishlar vaziri oʻrinbosari — Tergov departamenti boshligʻi Ramazon Ashrapov maʼlum qildi.
Bildirilishicha, uch oy davomida respublikada 1 102 ta yoʻl-transport hodisasi sodir etilgan boʻlsa, ularning 31,4 foizi (346 ta) inson oʻlimi bilan yakunlangan.
Ashrapovning qayd etishicha, YTHlarga asosan quyidagi holatlar sabab boʻlgan:
• 13,6 foizi haydovchilar tomonidan piyodaga yoʻl bermaslik;
• 32,9 foizi belgilangan tezlikka rioya qilmaslik;
• 4,2 foizi haydovchini harakat vaqtida uxlab qolishi;
• 22,4 foizi svetoforning talablariga amal qilmaslik.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring