Oʻzbekistonda 1-2-sinf oʻquvchilari “uy vazifasi”siz oʻqiydi
Foto: Arxiv surat
Oʻzbekistonda 2022/2023 oʻquv yilidan boshlab maktab oʻquvchilarini baholash tizimi qayta koʻrib chiqiladi. Bu haqda Respublika taʼlim markazi matbuot kotibi Mohira Nurullayeva maʼlum qildi.
Uning soʻzlariga koʻra, milliy oʻquv dasturiga muvofiq 1 va 2-sinf oʻquvchilari uchun uy vazifalari olib tashlanganligi sababli uy vazifalari baholari bekor qilinmoqda. Chorakdagi yakuniy baholar joriy baholarga, yillik baholar esa choraklardagi baholarga bogʻliq boʻlmaydi.
Oʻquvchilar topshiriqlarni yaxshi bahoga bajarmaguncha, ularga baho bermaslik tavsiya etiladi, deyiladi xabarda.
Qayd etilishicha, bitiruvchi sinflar uchun kasbiy talablarning bajarilish darajasiga qarab baholash tizimi joriy etiladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring