Osiyo kubogi–2027 musobaqasiga qachon qurʼa tashlanishi maʼlum qilindi
Futbol boʻyicha 2027-yil Saudiya Arabistonida boʻlib oʻtadigan Osiyo chempionati musobaqasi uchun qurʼa tashlash sanasi maʼlum boʻldi. Bu haqda Osiyo futbol konfederatsiyasi oʻzining rasmiy sahifasida maʼlumot berdi.
Unga koʻra, turnirga 9-may kuni qurʼa tashlanadi. Oldinroq bu sana 11–12-aprel oraligʻida boʻlib oʻtishi rejalashtirilgan edi. Ammo Yaqin Sharqdagi mojarolar sabab ushbu marosim may oyiga qoldirildi.
Hozirda musobaqada ishtirok etadigan 23 ta jamoa nomi maʼlum. Faqatgina 24-yoʻllanma uchun tashkil etiladigan Yaman va Livan oʻyini 4-iyun sanasida boʻlib oʻtadi.
Maʼlumot uchun, 2027-yilgi Osiyo kubogi musobaqasi 7-yanvardan 5-fevralga qadar boʻlib oʻtadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring