Malayziyalik olimlar Navoiy davlat pedagogika institutida bo‘ldi
Foto: “Xalq so‘zi”
Navoiy davlat pedagogika institutida Malayziya davlatining Menejment va Fan universiteti (MSU) bilan o‘zaro hamkorlik aloqalarini yana-da mustahkamlash, qo‘shma taʼlim dasturlarini yo‘lga qo‘yish yuzasidan uchrashuv bo‘lib o‘tdi.
Muzokaralarda MSU prezidenti, prorektori hamda universitet olimlaridan iborat delegatsiya aʼzolari, mezbon tarafdan esa Navoiy viloyati hokimi K.Tursunov, institut rektori B.Sobirov hamda taʼlim dargohining ilmiy Kengashi vakillari ishtirok etdi.
Uchrashuvda Malayziya Menejment va Fan universiteti hamda NavDPI kelishuvi asosida xalqaro biznes, buxgalteriya va moliya, sog‘liqni saqlash va farmatsevtika, “halol” sertifikatlash markazi, dasturiy injenering kabi taʼlim yo‘nalishlarini ochish bo‘yicha takliflar bildirilib, tomonlar uni maʼqulladi.
Shuningdek, malayziyalik mehmonlarga Navoiy viloyatida tadbirkorlikni rivojlantirish, erkin iqtisodiy zonada amalga oshirilayotgan faoliyat turlari hamda taqdim etilayotgan imkoniyatlar haqida batafsil maʼlumot berildi.
Temur ESHBOYEV, “Xalq so‘zi”.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring