Maktablar kompyuter jamlanmalari bilan taʼminlanmoqda
Maktabgacha va maktab taʼlimi vazirligi tomonidan butun Respublika boʻylab maktablardagi kompyuter sinfxonalari xatlovdan oʻtkazilayotganligi haqida xabar bergandik.
Jumladan, Toshkent shahridagi maktablarning barcha kompyuter xonalari ham xatlovdan oʻtkazilib, mavjud 335 ta maktabdan 258 tasida kompyuter jihozlariga ehtiyoj mavjudligi aniqlandi.
Ushbu ehtiyojni qoplash maqsadida Maktabgacha va maktab taʼlimi vazirligi tomonidan maktablarga 304 dona kompyuter sinfxonalari toʻplami joʻnatilmoqda.
Har bir toʻplam 16 ta kompyuter, 1 dona printer, konditsioner, interaktiv doska va serverdan tashkil topgan.
Respublikaning boshqa hududlariga ham kompyuterlar bosqichma-bosqich tarzda yetkazib beriladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring