Kuchli shamol Forish tumani hokimligi binosi tomini uchirib yubordi
Videodan kadr
Ijtimoiy tarmoqlarda “Jizzax viloyati Forish tumanida kuchli shamol hokimiyat binosining tomini uchirib ketibdi” degan xabar tarqaldi. Forish tuman hokimligi axborot xizmati holatga munosabat bildirdi.
Forish tumanida 2024 yil 10 yanvar kuni soat 10-20 larda shamol tezligi 24 m/sekundgacha kuchayishi natijasida aylanma shamol yuz berib, Forish tuman hokimligi binosining katta majlislar zali tom qismidan qisman tom yopig‘ichlarini uchirdi.
Natijada shamol uchirgan tunika va taxtalar uchib, hokimiyat avtoturargohida bo‘lgan 6 ta avtomashina ustiga tushdi va qisman zarar yetkazdi.
Fuqarolarga hech qanday zarar yetkazmadi.
Tabiiy ofat natijasida ko‘rilgan talofatni bartaraf etish choralari ko‘rilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring