Koronavirus tufayli Italiyada barcha, shu jumladan, A seriya oʻyinlari ham vaqtincha toʻxtatildi
Juventus.com
Italiyada koronavirus epidemiyasi tufayli barcha sport musobaqalarini vaqtincha toʻxtatishga qaror qilindi. Futbol boʻyicha mamlakat bosh chempionati A seriya oʻyinlari ham 3-aprelgacha boʻlmaydi. Bu haqda ushbu davlat bosh vaziri Juzeppe Konte xabar berdi, deb yozadi Yevrosport.
“Hozirgi vaziyatda futbol chempionatidan tortib barcha sport tadbirlari vaqtincha toʻxtatilishi shart. Ushbu chora-tadbirlar ertadan kuchga kiradi”, — dedi hukumat rahbari.
Qayd etish joizki, Italiyada Ikkinchi jahon urushidan buyon ilk marta fuqarolarning erkin harakatlanishiga cheklov qoʻyildi.
Avval xabar berilganidek, Italiyada bir kecha-kunduzda 97 kishi koronavirusdan vafot etdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring