Koronavirus bilan zararlangan bemor kasalxonani yoqib yubordi
Foto: Reuters
Ispaniyada koronavirusni yuqtirib olgan bemor kasalxonaga oʻt qoʻydi. Bu haqda "Diario de Kadiz" gazetasi xabar bermoqda.
Nashrning yozishicha, Kadis shahridagi shifoxonalardan birida davolanayotgan bemor oʻzini chiqarib yuborishlarini talab qilgan. Uning bu istagi rad etilganidan keyin tarkibida spirt boʻlgan dezinfeksiyalovchi vositani matrasga toʻkib, yoqib yuborgan. Yongʻin oqibatida ikkita palataga jiddiy zarar yetgan.
Shifoxona xodimlar tezkorlik bilan bemorlarni evakuatsiya qilishga ulgurgan. Jabrlanganlar yoʻq. Oʻt qoʻygan bemor hibsga olingan.
Yongʻin tufayli olti qavatli kasalxonaning uch qavatida zarar yetgan. Shu bois shahardagi boshqa shifoxonalar va maktablar zarurat boʻlsa, bemorlarni qabul qilishni bildirgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring