Коронавирус билан зарарланган бемор касалхонани ёқиб юборди
Фото: Reuters
Испанияда коронавирусни юқтириб олган бемор касалхонага ўт қўйди. Бу ҳақда "Diario de Kadiz" газетаси хабар бермоқда.
Нашрнинг ёзишича, Кадис шаҳридаги шифохоналардан бирида даволанаётган бемор ўзини чиқариб юборишларини талаб қилган. Унинг бу истаги рад этилганидан кейин таркибида спирт бўлган дезинфекцияловчи воситани матрасга тўкиб, ёқиб юборган. Ёнғин оқибатида иккита палатага жиддий зарар етган.
Шифохона ходимлар тезкорлик билан беморларни эвакуация қилишга улгурган. Жабрланганлар йўқ. Ўт қўйган бемор ҳибсга олинган.
Ёнғин туфайли олти қаватли касалхонанинг уч қаватида зарар етган. Шу боис шаҳардаги бошқа шифохоналар ва мактаблар зарурат бўлса, беморларни қабул қилишни билдирган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг