Foto: Global Look Press

Kanada hukumati yaqin orada Ukrainadagi vaziyat munosabati bilan Rossiyaga qarshi yangi sanksiyalar joriy qiladi. Bu haqda Kanada tashqi ishlar vaziri Melani Joli maʼlum qildi.

“Yaqin kelajakda [Rossiyaga qarshi] sanksiyalar haqida yangi eʼlon qilaman”, dedi vazir Toronto universitetida Boltiqboʻyi mamlakatlari tashqi ishlar vazirlari forumida qatnashgan Joli.

Shu bilan birga, tashqi ishlar vazirligi rahbari sanksiyalar qachon joriy etilishiga aniqlik kiritmadi.

24-fevraldan beri rasmiy Ottava Rossiya, Ukraina va Belorusdan 1050 dan ortiq jismoniy va yuridik shaxslarga nisbatan sanksiyalar kiritdi.

May oyining oxirida Kanada Tashqi ishlar vazirligi 22 jismoniy va toʻrtta yuridik shaxsga cheklovlar kiritdi. Sanksiyalar VTB, Rosselxozbank, Sberbank va Investtorgbank boshqaruvi aʼzolariga taalluqlidir. Alfa-Bank asoschisi Mixail Fridmanning qizlari Larisa va Yekaterina ham sanksiyalar ostida qoldi. Ularning mamlakatga kirishi taqiqlanadi va Kanadadagi aktivlari mavjud boʻlsa muzlatiladi.

Bundan tashqari, Rossiyaning toʻgʻridan-toʻgʻri investitsiya fondi, Rossiya venchur kompaniyasi, Investtorgbank va Rosselxozbank ham sanksiyalar roʻyxatiga kiritilgan.