Фото: Global Look Press

Канада ҳукумати яқин орада Украинадаги вазият муносабати билан Россияга қарши янги санкциялар жорий қилади. Бу ҳақда Канада ташқи ишлар вазири Мелани Жоли маълум қилди.

«Яқин келажакда [Россияга қарши] санкциялар ҳақида янги эълон қиламан», деди вазир Торонто университетида Болтиқбўйи мамлакатлари ташқи ишлар вазирлари форумида қатнашган Жоли.

Шу билан бирга, ташқи ишлар вазирлиги раҳбари санкциялар қачон жорий этилишига аниқлик киритмади.

24 февралдан бери расмий Оттава Россия, Украина ва Белорусдан 1050 дан ортиқ жисмоний ва юридик шахсларга нисбатан санкциялар киритди.

Май ойининг охирида Канада Ташқи ишлар вазирлиги 22 жисмоний ва тўртта юридик шахсга чекловлар киритди. Санкциялар ВТБ, Росселхозбанк, Сбербанк ва Инвестторгбанк бошқаруви аъзоларига тааллуқлидир. Альфа-Банк асосчиси Михаил Фридманнинг қизлари Лариса ва Екатерина ҳам санкциялар остида қолди. Уларнинг мамлакатга кириши тақиқланади ва Канададаги активлари мавжуд бўлса музлатилади.

Бундан ташқари, Россиянинг тўғридан-тўғри инвестиция фонди, Россия венчур компанияси, Инвестторгбанк ва Росселхозбанк ҳам санкциялар рўйхатига киритилган.