Isteʼmolchilarga davlat xizmatlarini koʻrsatish boʻyicha 10 ming 369 ta obyektning elektr taʼminoti loyihalari ekspertizadan oʻtkazildi
Joriy yilning shu vaqtiga qadar Energetika vazirligi huzuridagi “Oʻzenergoinspeksiya” tomonidan isteʼmolchilarga davlat xizmatlarini koʻrsatish boʻyicha jami 10 ming 369 ta obyektning elektr taʼminoti loyihalari ekspertizadan oʻtkazildi. Unga koʻra, 7 ming 364 ta isteʼmolchining elektr qurilmalari elektr tarmoqlariga ulandi.
Shuningdek, “Hududiy elektr tarmoqlari korxonasi” AJga tegishli 3 ming 47 ta obyektning elektr taʼminoti loyihalari kelishilib, shundan 659 ta obyektning elektr qurilmasi ishga tayyorligi boʻyicha xulosalar berildi.
Shuni yodda tutingki, texnik shartlarsiz elektr taʼminotini loyihalashtirish, qurilish-montaj ishlarini amalga oshirish va hududiy elektr tarmoqlari korxonalarining elektr tarmoqlariga ulash taqiqlanadi.
Texnik shartlarning bajarilishi barcha isteʼmolchilar, loyihalash, qurilish-montaj va ishga tushirish-sozlash tashkilotlari uchun majburiy hisoblanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring