Истеъмолчиларга давлат хизматларини кўрсатиш бўйича 10 минг 369 та объектнинг электр таъминоти лойиҳалари экспертизадан ўтказилди
Жорий йилнинг шу вақтига қадар Энергетика вазирлиги ҳузуридаги «Ўзэнергоинспекция» томонидан истеъмолчиларга давлат хизматларини кўрсатиш бўйича жами 10 минг 369 та объектнинг электр таъминоти лойиҳалари экспертизадан ўтказилди. Унга кўра, 7 минг 364 та истеъмолчининг электр қурилмалари электр тармоқларига уланди.
Шунингдек, «Ҳудудий электр тармоқлари корхонаси» АЖга тегишли 3 минг 47 та объектнинг электр таъминоти лойиҳалари келишилиб, шундан 659 та объектнинг электр қурилмаси ишга тайёрлиги бўйича хулосалар берилди.
Шуни ёдда тутингки, техник шартларсиз электр таъминотини лойиҳалаштириш, қурилиш-монтаж ишларини амалга ошириш ва ҳудудий электр тармоқлари корхоналарининг электр тармоқларига улаш тақиқланади.
Техник шартларнинг бажарилиши барча истеъмолчилар, лойиҳалаш, қурилиш-монтаж ва ишга тушириш-созлаш ташкилотлари учун мажбурий ҳисобланади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг