Foto: Getty Images

Riversayddagi Kaliforniya universiteti olimlari iqlim oʻzgarishi koʻplab ekinlar, jumladan, pomidor, qalampir va kartoshkaning changlanishi bilan bogʻliq boʻlgan asalarilarning ovqatlanishiga salbiy taʼsir koʻrsatishini aniqladilar. Bu haqda “Microbial Ecology” jurnalida chop etilgan maqolada qayd etilgan.

Tadqiqotchilarga koʻra, iqlim oʻzgarishi hasharotlar uchun ozuqa manbai boʻlgan gul nektarining mikrobial muvozanatiga taʼsir qiladi. Bu arilarning hayotini xavf ostiga qoʻyadi. Haroratning biroz koʻtarilishi bilan ham mikroblarning metabolizmi tezlashadi, bu ularning tezroq koʻpayishiga va nektar tarkibidagi shakarlarning koʻproq foizini oʻzlashtirishiga olib keladi.

Asalarilarning taʼmga boʻlgan afzalliklarini sinab koʻrish uchun olimlar laboratoriyada bir necha turdagi nektar tayyorladilar. Bir qator nektar namunalari sterilizatsiya qilingan va baʼzilarida past yoki yuqori harorat sharoitida joylashtirilgan mikroblar mavjud edi.

Maʼlum boʻlishicha, asalarilar tarkibida shakar kamroq boʻlsa ham, faqat maʼlum miqdorda mikroblari boʻlgan nektarni afzal koʻrishadi. Ular juda koʻp mikrobli nektardan va mikrobsiz nektardan voz kechdilar. 

Olimlarning taxminiga koʻra, bakteriyalar va xamirturush asalarilarga shakarni hazm qilishga yordam beradi yoki mikroorganizmlar hasharotlar salomatligi uchun foydali boʻlgan metabolitlarni ishlab chiqaradi.