Hayit munosabati bilan testlar boshqa kunga koʻchirildi -DTM
Qurbon Hayiti munosabati bilan 11-avgust, yakshanba kuniga belgilangan test sinovlari boshqa kunga koʻchirilishi rasman tasdiqlandi, deb xabar berdi DTM.
Boshqa kunga koʻchirish jarayonlari faqat 11-avgust kuni testga kiradigan abituriyentlarga taalluqli boʻladi. Boshqa kundagilar oʻzlari uchun belgilangan kunda test sinovlariga kiraveradi.
Jumladan, hududlarda 11-avgustga belgilangan test sinovlari quyidagi kunlarga koʻchirildi:
Qashqadaryo viloyati – 12-avgustga
Fargʻona viloyati – 13-avgustga
Jizzax viloyati – 13-avgustga
Navoiy viloyati – 13-avgustga
Qoraqalpogʻiston – 14-avgustga
Andijon viloyati – 14-avgustga
Xorazm viloyati – 14-avgustga
Samarqand viloyati – 14-avgustga
Buxoro viloyati – 15-avgustga
️Test sinovlari koʻchirilgan abituriyentlar test sinoviga kirish ruxsatnomasini yangidan olishi shart emas. Bino hamda test sinovlari vaqti (smenasi) avvalgidek saqlanib qoladi.
P.S.: Roʻyxatda koʻrsatilmagan hududlarda test sinovlari 11-avgustgacha tugab boʻlgan boʻladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring