Yevgeniy Xorishko Rossiyaning Samarqanddagi bosh konsuli etib tayinlandi
Rossiya Tashqi ishlar vazirligi matbuot xizmatining xabar berishicha, Yevgeniy Viktorovich Xorishko Rossiyaning Samarqanddagi bosh konsuli etib tayinlandi.
Yevgeniy Xorishko 1965-yilda tugʻilgan. 1987-yilda SSSR TIVning Moskva davlat xalqaro munosabatlar institutini (MGIMO) tamomlagan. U 2-darajali Favqulodda va muxtor elchi diplomatik rangiga ega (2022-yil iyun oyida berilgan).
U faoliyati davomida Rossiya TIV markaziy apparatida va xorijdagi vakolatxonalarda turli lavozimlarda ishlagan. Jumladan:
2020–2022-yillarda — Rossiyaning Klaypedadagi (Litva) bosh konsuli;
2022–2024-yillarda — Rossiya TIV Shimoliy Amerika departamenti bosh maslahatchisi;
2024-yil dekabr oyidan buyon — Rossiya TIV Shimoliy Atlantika departamenti bosh maslahatchisi lavozimlarida ishlab kelgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring